 |
zurück
 |
|
|
oder Dagestiet seggen. |
|
|
zurück
|
|
|
oder Dagestiet seggen. |
| Nu steiht et wanners vüör
us: Dat niee Jaohr. Un wi wiett't kin Bietken, wat us in de Mööte
kümp, wat dat lange Jaohr us an Arbeit brengt, off an Leed? Et is
wisse gloodnie. Lähr wi nu no unbekannte Menschken kennen? Gaoh wi
villicht wichtige Saken lichtfärrig ut'n Wegg? Wi küent ut alles,
wat us düt Jaohr in de Mööte kümp, wat Guetts
maken.
Wi häb't in usse olle Spraoke bi't Utneenegaohn dat hiärtlikeWaort: "Guett gaohn!" Dao segg di de annere, wat he di för de neigste Tiet wünschket: "Et sall di guett gaohn". Wenn de annere dann segg: "Auk so!" dann is dat mähr äs bloß so'n "Tschüß" buomen vön 't Hiärt. In düsssen Gruß steck'n Stück Wiärnte drin. De Dichter Gregor Schwake häff dao sogar een bekanntet Leed vön makt. Fröher gloffen de Lüde no mähr, dat jedet Waort, wat man sagg, 'ne graute Macht harr. Wat man met Wäörde anspriäken dei, off't nu de Düwel oder auch ussen Härguott was, dat was auk dao. Man maß sickmet de Wäörde in Acht niemen! Unguett Anspriäken holp auk. So gloff man, wenn man sagg: "Guett gaohn!" dat et würklik holp. So'n Sprüek dei dän annern wat Guettes an. Et was iäben biätter, äs bloß "Laoh di wat!" off anneret Küern so dehiär. De Fraoge is nu: Kann man wat daoför dohn, dat et eenen in't niee Jaohr biätter geiht? WeIl wünschket sick dat nich? Mi fall dat olle plattdüütschke Sprüekwaort in: "Wu man in't Holt harinröpp, so kümp et auk wier harut!" Villicht is et een guetten Gedanen, in`t niee Jaohr to jedereen fröndlik un nett to sein. Nich, weil man besonders fromm off höflik sien will. Ne, et kümp ümmer so wier trügge, äs man in't "Holt" harinroppt häff. Un du kaas beliäwen, dat ut een en knatterigen Menschken (knatterig äs'n Buottersoppen) een umgänkliken Metmenschken wett. Up düsse Aort un Wiese kann man sick söwes wat Guetts andohn. So is et villicht auk vön dohn, wenn wi to dat Niee Jaohr seggt: "Guett gaohn!" Wi huopt daomet, dat et de Menschken een lück biätter geiht, dat et mähr Freide äs Truer brengt, dat wi us giegensietig mähr up de Beene helpt, dat wi in düstere Dage dän Humor nich vergi. ätt't. Lück Humor giff et nämlik auk bi düssen Gruß "Guett gaahn!" Et passeert manks, wenn eener segg "Guett gaohn!" De Betonung liegg dann up "gaohn". De annere ment dann wull: "Dat is guett för de Knei. Dann bruks nich krupen!" Et kann auk so laupen: Eener segg "Guett gaohn!" De annere versteiht nu extrao wat anners. He häört bi dän Gruß harut: "Guett Gaorn!" Dat lütt jä jüst so. He segg dann wier üm: "Guett Gaorn giff guett Linnen!" De annere is dann gaas verwünnert, bis he et begriepen häff, dat sick fröher so auk de Wiäwers wull Dagestiet seggt häfft. Daorüm för't Niee Jaohr eenen Haupen Fröndlichkett, viel Humor, viel plasseerliket Nieet. Vön Hiärten: Guett gaohn! Un anlest dän ollen Niejaohrsgruß: "Glücksiälgs Niejaohr! Giew Gott un wäre waohr! " Willi Kamp
|
Bücher von Willi Kamp:
.......
" Präötken up Platt ut de Wannenmakerstadt
" Preis 4.90 €
" Dat Twedde Gesicht un annere Spöökerien
" Preis 9.80 €
zu beziehen bei Willi Kamp