Bimmel, bammel, beier
Köster mag kien`n Eier.
Wat mag hei dann?
Speck inne Pann´,
Beer inne Kann´,
Wat is us Köster ´n leckern Mann.

***
Heinerich von Deinderup,
wat grummelt di dien Buuk?
Dat dait dei suern Karmelk,
dei will dor wedder rut.

***
Et is doch seltsam:
Öhms, de vermährt sik nich,
aower utstiärben doht se auk nich.

***
Lank un schmal, hät kien Gefall.
Kuot un dick, hät kien Geschick.
En Därnken von de Middelmoat
geiht am wackersten üöwer de Straot.

( aus "Nu küer du, mi trönt de Augen"
von Reinhold Holtstiege )

***
Ik bin son kleinet Ümelken,
son Stümpelken, son Krümelken.
Un wull doch auck so gähn
dat Brutpaar hier gralehrn.
Drum gierf ick ju min Hiätken hier,
maken Kniksken up de Stiär.
Un schenk ut fulle Freide nu
düssen Blomenstruck hier ju.

***
Vivat Brut un Brüdigam,
vivat Brüm un Brut.
Glücklich fänk ju Ehestand an.
Glücklich laup he ut
Goht in Frieden düor de Welt.
Kriegt alle Bühls full Geld,
kriegt dat Hus vull Piär un Rinner,
kriegt dat Hus vull nette Kinner.
Häfft je liäbenlank kin Naut.
Finnt antlest en sachten Daut.
Un daonao de ew´ge Ruh.
Nu kuemt in, Guot helpe ju.
Vivat Brut und Brüdigam,
vivat Brüm und Brut.

***
Full Freide un full Glück
un neichstet Johr son Männeken es ik.

***
Bie us in Hus
gift jeden Dag Kabus.
Ehn Dag rauden, ehn Dag witten.
Nur goht men al wie sitten.

mehr Reimsels